Pakistan mein mehngai aam citizons ke liye sab se bara masla ban gai hai, aur is mein petrol ki qeemat sab se bara kirdar ada kar rahi hain. Jab bhi international market mein oil ki price up and down hoti hy, us ka asar seedha Pakistan par parta hai, jis ki wajah se transport, khana peena aur daily ki cheezein mehngi ho jati hain. Ye dekhna zaroori hai ke petrol ki qeemat, Govt ke lagaye gaye levies, aur bar bar qeematon ka badalna aam admi ki zindagi ko kaise disurb karta hai.
Jab international market mein oil mehnga hota hai, toh Pakistan mein petrol ki qeemat bohat tezi se barh jati hain. Lekin jab global level par qeemat kam hoti hay, toh us ka faida aam aadmi ko us tarah nai mil pata jis tarah muilna chahye. Dusre countries ke muqable mein Pakistan ka pricing system aam admi ke liye ziada sakht hai, kyunke yahan taxes aur levies ki sharah bohat zyada hoti hai.
Dusri countries international market ke jhatkon ko bardasht karne ke liye strategic reserves ka istemal kart hain, magar Pakistan mein poora bojh seedha aam aadmi par dal diya jata hai. Isi wajah se yahan inflation dusre mumalik ke muqable mein bohat tezi se barhti hai.
Government ki taraf se ye manzoori di gayi thi ke petrol ki qeemat international market ke hisab se rozmarra ya jaldi badli ja sakein taake rates ko international market ke qareeb rakha ja sake.
Benifits(Pros):
- Ek hi baar mein bohat bara price jump lagne ke bajaye, qeemat chote chote steps mein adjust hoti hain.
- Government ko har baar subsidy dene ke liye qarze nahi lene parte aur deficit control karne mein madad milti hai.
- Ghair Yaqeeni (Uncertainty): Bar bar qeematein badalnay ki wajah se business, transport aur supply chain wale apna budget nahi bana patay.
- Psychological Inflation: Qeematon ke bar bar up and down honay se market mein panic phel jata hai, aur dukaandar cheezein pehle hi mehngi kar dete hain, jis se aam admi mazeed pareshan hota hai.
Government IMF ki shartein poori karne aur apnay revenue achieve karne ke liye standard General Sales Tax (GST) ke bajaye petrol par Petroleum Levy (PL) lagati dyti hai.
Reasons:
- GST ka aik hissa provinces ko dena parta hai, lekin Petroleum Levy ka poora paisa seedha federal government ke khazanay mein jata hai. Isi liye government apna ghata poora karne ke liye yeh levy lagati hai jis ka bojh seedah aam aadmi tak pahnchta hy or mulk main inflation barh jati hy. Mehngai zyada hony ki waja sy awam main boht paryshani banti hy or is tarah log ahtajaj krny py utar aaty hain.
Mulk par Asraat:
- Is se government ko toh revenue mil jata hai, lekin mulk mein business karna aur cheezon ko aik jaga se dusri jaga le jana bohat mehenga ho jata hai jis sy zaroorat ki tmam cheezain mahngi ho jati hain or aadmi piss kr rah jata hy.
Ghareeb par Asar:
- Ye levy ghareeb dushman hai. Aik mazdoor jo motorcycle chala raha hai ya public transport par safar kar raha hai, us par is ka bojh aik luxury car chalane wale se bohat zyada parta hai. Jab transport aur diesel mehnga hota hai, toh sabziyan aur khane peene ki cheezein bhi foran mehngi ho jati hain, jo ghareeb ka jeena mushkil kar deti hain. isi lye Pakistan main aaye roz log khudkushi kr rahy hain. choori or daky boht zyada ho rahy hain. logon k kamany k mawaqy boht qam ho gay hain jis par Govt koi nazar nai hy
Pakistanion ki sab se bari shikayat yeh hai ke qeematon ka hisab kitaab aik tarfa hota hai: petrol mehnga karne mein foran qadam uthaya jata hai, jabke sasta karne mein bohat der lagai jati hai.
- Jab Qeematein Barhni Hon: Agar international market mein thori si bhi tezi aaye ya dollar ooper jaye, toh government foran ghantoun ke andar petrol mehnga karne ka notification jari kar deti hai.
- Jab Qeematein Kam Hon: or agar international market mein oil crash ho jaye ya rupee mazboot ho jaye, toh aam admi ko relief dene ke liye hafton lagaye jatay hain. Yeh excuse diya jata hai ke purana stock pada hai ya deficit cover karna hai jis par koi minister bat krny ko tyar nai hota or na hi koi information minister bat krny ko tyar hy
Is double standard ki wajah se awam ka bharosa government par se uth chuka hai aur unhe lagta hai ke yeh sara nizam sirf state ka khazana bharne ke liye hai, aam admi ki bhalai ke liye nahi.