Pakistan Federal Budget 2026-27: Tankhwahon mein Izafa aur Saal 2025 ke sath Taqabli Jaiza
Budget mulk ki soorat-e-hal, sarkari mulazameen ki mali halat aur difa k akhrajat ka ki manzar kashi krta hy. Pakistan ka Federal Budget 2026-27 pesh kiya ja chuka hai, jis mein Goverment mulazameen ki tankhwahon, pensions aur difaa ke liye budget rakha gya.
1. Civil aur Army ki Tankhwahon mein Izafa (Budget 2026)
Budget 2026-27 mein Goverment ne barhti hui mehangai ko daikhty hue mulazameen ko relief frahm karne ke liye tankhwahon aur allowances mein ye tabdeeli ki hy:
- Civil Mulazameen ki Tankhwahon mein Izafa: Wifaq k civil mulazameen ke liye buniyadi Salery mein 7% tak izafay ka elan kiya gaya hai. Is ke sath sath pichle Tenure ke do adhoc relief ko buniyadi tankhwa mein shamil kar diya gaya hai, jis se buniyadi pay scales mein behtari aayi hai. Is ke elawa Disparity Reduction Allowance mein 15% aur conveyance allowance mein 50 feesad tak ka izafa bhi kiya gaya hai taake mulazameen ko faida pohnch sake.
- Army / Difa ki Tankhwah: Difaa ki khidmat ke liye mukhtas kul budget mein mulazameen se mutaliqa akhrajat ke liye 967.5 arab rupay rakhe gaye hain, jin mein pichle saal ke muqablay mein taqreeban 14 feesad ka izafa hua hai. Yeh izafa Pak Fauj ke afsaran aur jawano ki tankhwahon, allowances aur peshawarana tayariyon ki zarooriyat ko mad-e-nazar rakhte hue kiya gaya hai. Is ke elawa fauji pensions ke liye 822 arab rupay mukhtas kiye gaye hain jin mein 11% izafa record kiya gaya.
2. Budget 2025 aur Budget 2026
Saal 2025 ka budget or Budget 2026 ka mawazna kiya jaye to ahem faraq samne aate hain:
| Maliati Shoba / Mad | Budget 2025 (Mawazna / Nazar-sani shuda) | Budget 2026-27 (Naya Budget) | Taqabli Faraq o Rujhan |
|---|---|---|---|
| Kul Difaee Budget | Taqreeban 2.59 trillion rupay (Nazar-sani shuda) | 3.01 trillion rupay | Difaee budget mein taqreeban 16% izafa hua hai taake sarhadi security aur androni aman ko behtar banaya ja sake. |
| Fauji Mulazameen ke Akhrajat | Guzishta saal ke muqablay mein kam | 967.5 arab rupay | Mulazameen se juray akhrajat mein 14 % izafa kiya gaya hai. |
| Fauji Pensions | Pichle saal ki nisbat kam | 822 arab rupay | Pension ke shobay mein taqreeban 11 % izafa record hua. |
| Civil Mulazameen Relief | Pichle saalon ke mutafarriq relief packages | 7% Tankhwa Izafa or Allowances mein Radobadal | Is bar hukumat ne fixed % izafay ke sath sath puranay adhoc relief ko buniyadi tankhwa ka hissa banane par zor diya hai. |
3. Majmooi jaiza
Saal 2026 ka budget ek aisay waqt mein pesh kiya gaya hai jab mulk ko maliati istihkam, afraat-e-zar par qaboo panay aur IMF ke maashi ahdaf ko pura karne jaise chalenges ka samna hai.
- Difaee Akhrajat ki Tarjeeh: Khittay ke security halaat aur sarhadi chalenges ke paish-e-nazar difaee budget ko mulki majmooi paidawar (GDP) ke tanasub se 2 feesad se zaid (taqreeban RS 3.01 trillion ) tak le jaya gaya hai.
- Awami Radd-e-Amal aur Mehangai: civil mulazameen ki tankhwahon mein 7 % aur allowances mein izafay ka marham rakha hai, taham mehangai ki mojooda sharah ke tanasub se mulazameen ka kehna hai ki yeh relief un ki soch or tawaqo se kam hai.