پنجاب حکومت لون فار اپنی چھت پروگرام - مکمل تفصیل
Apni Chat, Mehfooz Chat initiative, Chief Minister Punjab ke flagship “Apni Chat Apna Ghar (ACAG)” program ke tehat shuru kiya gaya ek khaas component hai. Is project ka maqsad Punjab bhar mein low-income families ke rehne ke standard ko behtar banana hai.
Is initiative ke zariye kam aamdani rakhne wale families ko interest-free financial support (0% markup) provide ki jati hai, taake woh apne existing ghar ki marammat, mazbooti ya mazeed tameer kar saken.
Categories & Financial Structure for Loan
| Category | Maximum Financing | Repayment Tenure | Tafseel |
|---|---|---|---|
| Category 1: Roof Repair | PKR 500,000 | 3 Years | Kharab ya kamzor chhat ki marammat aur ghar ke structure ko mazboot karne ke liye loan dia jata hai. |
| Category 2: Home Expansion | PKR 1,000,000 | 6 Years | Existing residential structure mein additional room, portion ya extra floor banane ke liye loan dia jata hai. |
Eligibility Criteria – Kaun Apply Kar Sakta Hai?
Apni Chhat, Mehfooz Chhat initiative ke liye applicants ko following official criteria poore karna zaroori hai:
- 1. Punjab ka Rehaishi Hona: Applicant Punjab ka permanent resident hona chahiye aur us ke paas valid Computerized National Identity Card (CNIC) hona zaroori hai.
- 2. Property ki Milkiyat: Applicant ke paas residential land plot ya ghar ki ownership honi chahiye.
- Urban areas: Maximum 5 Marla tak
- Rural areas: Maximum 10 Marla tak
- 3. Age Limit – Umar: Application submit karte waqt applicant ki age 21 se 60 saal tak ho.
- 4. Maali Record: Applicant ka financial record saaf hona chahiye. Applicant ke naam par commercial banks ya financial institutions ka koi default registered nahi hona chahiye.
- 5. Qanooni Record: Applicant kisi criminal offense mein convicted ya involved nahi hona chahiye.
- 6. Maloomat ki Tasdeeq: Applicant ko apne background aur information ki verification ke liye NADRA aur Punjab Land Records Authority ke zariye data verification ki ijazat deni hogi.
How to Apply – Apply Karne Ka Tareeqa
Eligible applicants Punjab Housing and Town Planning Agency ke official web portal ke zariye online application submit kar sakte hain:
- Step 1: ACAG Portal Par Account Banayein: Sab se pehle official Apni Chhat Apna Ghar par account register karein.
- Step 2: Loan Category Select Karein: Apni zaroorat ke mutabiq required financial assistance plan ya Loan Category select karein.
- Step 3: Required Documents Upload Karein: Application ke dauran required documents upload karein, jin mein aam tor par CNIC, Land ownership details / Fard, aur Existing ghar ki photographs shamil hain.
Mazeed Maloomat aur Links
Official Portal: https://acag.punjab.gov.pk/
PHATA Portal: https://phata.punjab.gov.pk/
Direct Loan Category Portal: Loan Category Page
Toll-Free Helpline: 0800-09100