How to apply as AFNS in Pakistan Army - Pakistan Army Main AFNS (Armed Forces Nursing Services) Main Apply Krny Ka Mukammal Tareeqa aur Requirements in Urdu
Pakistan Army main as a Captain ya Lieutenant (AFNS) Nursing join krna female candidates ke liye ek behtareen career option hai. AFNS (Armed Forces Nursing Services) ke zariye Pakistan ki military medical services ka hissa ban sakti hain. Is article mein hum tafseel se batayenge ke AFNS mein apply krny ka kya tareeka e kar hai, kya requirement hy aur registration kahan se hogi.
AFNS Main Apply Krny Ki Bunyadi Requirements - Eligibility Criteria
Agar aap Pakistan Army mein AFNS Nursing ke liye apply karna chahti hain toh aapko is criteria par poora utarna hoga:
- Gender: Sirf Female candidates apply kar sakti hain.
- Nationality: Citizen of Pakistan aur Azad Jammu & Kashmir / Gilgit-Baltistan ke local residents.
- Marital Status: Unmarried / Widow / Divorced (baghair bachon ke) candidates apply kar sakti hain.
1. BSc Nursing (4 Years Degree Program) Ke Liye:
- Umar (Age): 17 se 25 saal tak.
- Qualification: Matric with Science (Minimum 65% marks) aur F.Sc (Pre-Medical) mein kam az kam 50% marks hona lazmi hain.
2. Specialized / Trained Nurses (For AFNS / General Nursing) Ke Liye:
- Umar (Age): 18 se 28 saal tak.
- Qualification: General Nursing aur Midwifery ka diploma jo kisi recognized institute ya Nursing Council se registered ho.
Selection Process & Test Ka Tareeqa Kar
Registration ke baad candidates ko mukhtalif stages se guzarna parta hai:
- Initial Computerized Test: Sab se pehle verbal, non-verbal aur academic tests (jo ke English, Biology, Physics aur Chemistry par mushtamil hotay hain) lye jaty hain.
- Initial Medical Test: Computerized test pass krnay waly candidates ka relevant CMH mein medical checkup hota hai.
- Interviews: Initial medical aur test pass krnay ke baad, GHQ (General Headquarters) selection board ki taraf se final interviews liye jatay hain.
- Final Selection: ISSB ya GHQ selection board ki merit list ke mutabiq hothy hain, aur phir selected candidates ko training ke liye bhyja jata hai.
Kahan Aur Kaise Apply Krain? (Online Registration Process)
AFNS mein apply krny ka tareeqa bilkul asaan aur online hai:
- Official Website: Pakistan Army ki official website www.joinpakarmy.gov.pk par jana hoga.
- Registration Dates: Jab bhi AFNS ke admissions open hotay hain (aam tor par saal mein aik baar June/July ke doraan), website par registration ka portal open kar diya jata hai.
- Form Submissions: Online portal par ja kar apni personal aur academic details enter karni hoti hain, jis ke baad aik slip generate hoti hai jis par initial test ki date aur time darj hota hai.
- Physical & Document Verification: Test wale din apne asli documents (Matric, F.Sc certificates, CNIC/B-Form aur passport size photos) sath le kar designated Army Selection and Recruitment Centre (AS&RC) jana parta hai.
Aap apnay qareebi Army Selection Centres (AS&RC) se bhi rabta kar sakti hain jo ke Rawalpindi, Lahore, Karachi, Peshawar, Quetta, Multan aur deegar baray shehron mein mojood hotay hain.